1 Қыркүйек - Білім күні
Құрметті әріптестер, ұстаздар! Сіздерді жаңа 2020-2021 оқу жылымен шын жүректен құттықтаймын! Мүмкін, қашықтан жұмыс жасау біреуге қызықсыз болып көрінетін шығар, әсіресе, пандемия жарияланған қазіргі уақытта, бірақ, игі еңбектеріңіз қажет және сұранысқа ие екенін білеміз. Қазір балаларды оқытып-үйрету оңай емес, кейде өте қиын, бірақ, жүрегінде балаларға деген сүйіспеншілік және оларға жаңа білім беру ыстық ықыласы бар мұғалімдер үшін, бұл дүние жүзіндегі ең жағымды жұмыс! Сіздерге жігерлік, жаңа технологияларының элементтерін енгізуде ұмтылыс, ықылас тілеймін. Оқушыларыңыз сіздерге әрдайым алғыс білдірсін!
Қымбатты балалар, к - жаңа оқу жылы басталуының символы! Ой-пікірлеріңізді жинақтап ғылымға кіру уақыт болып табылады. Пандемияның қиын кезеңінде сыныптас-достарыңның уақытша алыстығына қарамастан, бұл оқу жылы сіздер үшін бақытты және нәтижелі өтсін. Білімдеріңіз "өте жақсы" бағамен бағалансын, білімге деген жолда кез келген кедергілерді жеңіп шығындар, әр күні жаңа, қызықты және маңызды жаңалықтарды ашыңыз. Сіздерге кез келген жағымсыз сәттерге және инфекцияларға қарсы мықты иммунитет, табандылық пен сенімділік тілеймін!
Құрметті ата-аналар, сіздерді жаңа оқу жылының басталуымен шын жүректен құттықтаймын! Осы оқу жылында балаларыңыз білімге деген жол баспалдағының бір сатысына жоғарылады! Сіздерге рухани күш-жігер, шыдамдылық пен даналық тілейміз. Пандемия тез аяқталып, балалардың ақпарат игеруде және қиын тапсырмаларды орындауда сіздердің қолдауыңыз балалармен қарым-қатынастарыңызды жақсарта түссін. Олардың жетістіктері, табыстары және оқу жеңістері жүрекке қуаныш әкелсін!
Құрметті әріптестер - білім беру жүйесінің басқарушылары! Сіздерді жаңа оқу жылының басталуымен құттықтай отырып, барлықтарыңызға жаңа идеялар, сергектік пен шабыт, сондай-ақ тыныштық, жүрекке қуаныш және өмірде сәттілік тілеймін. Сіздермен біз бірге күрделі қызмет атқарып отырмыз, біздің миссиямыз: оқушылардың білім сапасын қамтамасыз ету үшін білім беру ұйымдарына әдістемелік және методологиялық көмек көрсету. Бәріміз бірге осы жылдың барлық сынақтарынан абыроймен шығып, мақсатымызға сенімділікпен жетейік. Сіздерге күш-қуат, денсаулық пен шыдамдылық тілеймін! Іске сәт!
Абай еліне саяхат
ШҚО білім саласында сапаны қамтамасыз ету департаменті Абай ҚҰНАНБАЕВТЫҢ 175-жылдығы аясында ақынның ата қонысы Жидебайға тарихи-әдеби танымдық экспедиция жасады. Басты мақсат – ұлы бабамыздың туып-өскен жерімен және оның шығармашылығымен, қазақ халқының тарихымен және мәдени мұраларымен танысу, қазақ кемеңгері атымен байланысты әр нәрсеге құрметтеу және тағзым ету, Абай ауданындағы сәулет және монументалдық ескерткіштерді тамашалау.
Семей қаласынан 50 шақырым қашықтықта белгілі қазақ батыры Күшікбайдың зиратында ескерткіш орнатылған. Монумент Күшікбай батырдың құрметіне ғана емес, осы тарихы далада және тауларда жатқан ескерусіз қалған барлық қазақ батырларының құрметіне арналады. Олар бабалар жерін қорғады және осы дала үшін майданда қан төкті. Дала – халқымыздың басты құндылығы, сондықтан ұлттың тұтастығын көрсету уақыты келді. Бұл сәулет кешені барлық қазақ халқының тарихын бейнелейді.
Абай күні құтты болсын!
Шығыс Қазақстан облысының білім саласында сапаны қамтамасыз ету департаменті қазақстандықтарды шығыстың топырағынан шыққан әлемдік деңгейдегі ақыны - ұлы Абайдың 175-жылдық мерейтойы қарсанындағы Абай күнімен құттықтайды.
Біздер, жерлестер, үшін бұл жалпыұлттық мереке ерекше ыстық!
Рухани тұрғыдан маңызы өте жоғары атаулы күн жыл сайын жаңғыра берсін!
Техникалық және кәсіптік білім беру ұйымдарындағы қауіпсіздік шаралары
Білім беру ұйымдарында ішкі және сыртқы бақылауға арналған бейнекамералар орнату заман талабына айналды. Білім беру ұйымдарының әкімшілігі үшін – бұл қол жетімді шара, қажет болған жағдайда жарақат пен зорлық-зомбылыққа байланысты әр түрлі фактілердің шынайылығын анықтауға, сондай-ақ ұсақ бұзақылық пен ұрлыққтың алдын алуға мүмкіндік береді. Көбінесе, ата-аналардың өздері бейнебақылау орнату туралы бастама көтереді, өйткені олар бұл шараны балалардың қауіпсіздігін қамтамасыз етудің тиімді құралы деп санайды.
Қазақстан Республикасы Білім және ғылым министрінің «Тиісті үлгідегі білім беру ұйымдары қызметінің үлгілік қағидаларын бекіту туралы» 2018 жылғы 30 қазандағы №595 бұйрығының 44-тармағына сәйкес (3-қосымша) ТжКБ білім беру бағдарламаларын іске асыратын білім беру ұйымдарында тиісті жағдайлар жасау үшін білім беру ұйымының ғимараты мен оның аумағындағы алаңдарды бақылау үшін бейнебақылау камералары болуы керек.
Шығыс Қазақстан облысының білім саласында сапаны қамтамасыз ету департаменті ТжКБ оқу орындарының оқу ғимараттарында бейнебақылаудың болуына мониторинг жүргізді.
Біліктілікті арттыру курстары
2020 жылғы 25-29 мамыр аралығында Шығыс Қазақстан облысының Білім саласында сапаны қамтамасыз ету департаментінің қызметкерлері Балтабаева С.Т., Лазимканов Е.Т., Раимбекова Б.А «Халықтың үніне құлақ асатын мемлекет» тақырыбында онлайн біліктілік арттыру курсынан өтіп жатыр.
Курстың кураторы Шығыс Қазақстан облысы бойынша Қазақстан Республикасы Президентінің Мемлекеттік басқарма академиясының қызметкері Смагулова Бакыт.
Курс «Microsoft Teams» платформасында өткізіледі. Курстарды Академияның білікті мамандары оқытады, осы тақырып бойынша вебинарлар, пікірталастар, практикалық тапсырмалар өткізіледі.
Шығыс Қазақстан облысының балабақшалары өз қызметін бастады
Шығыс Қазақстан облысының мектепке дейінгі білім беру жүйесінде 2019-2020 оқу жылында 792 мектепке дейінгі мекеме жұмыс істейді, онда жалпы саны 59 мыңнан астам бала қамтылған.
Мектепке дейінгі мекемелер желісі мынадай: балабақшалар – 345 (43 350 бала), оның ішінде 137 жеке меншік (16 205 бала); шағын орталықтар – 447 (16 180 бала), оның ішінде 2 жеке меншік (26 бала). Мектепке дейінгі балалар ұйымдарының кезекші топтарының жұмыс алгоритмін қатаң түрде сақтай отырып, облыста 2020 жылғы 25 мамыр күніне 117 мектепке дейінгі мекеме өз қызметін бастады, оның ішінде 407 топқа 6356 бала қабылданды, бұл осындай жастағы балалардың 11%-ын құрайды.
Бұдан басқа, бүгін мектепке дейінгі білім беретін 1041 педагог және балабақшалардың 1050 басқа да қызметкерлері жұмысқа шықты. Облыстың мектепке дейінгі ұйымдары білім беру және тәрбиелеу қызметін алдағы жазғы маусымда кезекші топтар режимінде жүргізетін болады. Мысалы, Алтай қаласында 18 мамыр күні барлық балабақшалар ашылды, қазіргі пандемия жағдайында ата-аналарға алаңсыз еңбек етуге мүмкіншілік жасалды, себебі 1156 бала жоғары білікті 177 тәрбиешінің сенімді қолында.