ҰСТАЗДАР ҮНІ
Қашықтықтан оқытудың артықшылықтары мен қиындықтары
Мен, Койлышова Айкумис Курманкуловна Шығыс Қазақстан облысы, Үржар ауданы, Егінсу ауылында «Ш.Уалиханов атындағы орта мектеп-бақша» коммуналдық мемлекеттік мекемесінің бастауыш сынып мұғалімімін. 25 жыл ұстаздық етіп келе жатқан мектеп тренерімін, III деңгейлі ұстазбын.
Құрметті әріптестер, сіздерге ұсынатын тақырып «Қашықтықтан оқытудың артықшылықтары мен қиындықтары» деп аталады. Тақырып бойынша қашықтықтан оқыту барысында кездескен қиыншылықтар мен қашықтықтан оқытудың тиімді тұстарын санамалап атап көрсетемін.
Алдымен артықшылықтарына тоқталайық. Біріншіден, ата-ана мен мұғалім арасындағы тығыз байланыстың орнауы. Себебі, бұрын, қашықтықтан оқытуға дейін мұғалім ата-анамен тоқсанына бір рет қана яғни, тоқсандық, жартыжылдық оқу қорытындысы бойынша арнайы шақырылған жиналыста кездесетін. Көбінесе жұмыс барысымен көптеген ата-аналар жиналысқа бара алмайтын. Жиналыс барысында баланың әрбір пән бойынша оқу үлгерімі, тәртібі айтылатын. Ал қашықтықтан оқыту кезеңінде ата-ана мұғаліммен күнделікті байланыста болды. Себебі, кейбір ата-аналар жаңартылған оқу бағдарламасын түсінбегендіктен оқу бағдарламасындағы тапсырмаларды орындау кезінде балаларына көмектесе алмады. Осыған орай ата-аналар тарапынан туындаған сұрақтар бойынша жауап беру арқылы бірлесе отырып, қиыншылықты еңсердік.
Екіншіден, қашықтықтан оқыту кезеңінде мен байқаған артықшылық - оқушы мен ата-ана алдында мұғалім беделінің артуы. Себебі, тапсырмаларды орындау кезінде ата-аналар балаларын өздері оқытты. Яғни, көркем жазуын қадағалап, есеп шығаруын тексерді. Ата-аналар тарпынан «Сіз оқытқанға жетпейді, сабақты түсіндіре алмай жатырмыз...» деген т.б пікірлер айтылды. Ұстаз еңбегіне құрметпен қарауды ұғынды. Мұны ата-аналардың кері байланысынан аңғаруға болады. Ал оқушыларым хабарласып, өз сағыныштарын білдіріп жатты. Осы жайттардан пандемия кезінде қоғамдағы мұғалімнің қадір-қасиетінің арта түскенін байқау қиын емес.
Қоғамдағы мұғалім мәртебесін өсіргені үшін еліміздің Президенті Қасым-Жомарт Кемелұлына басымды иіп алғыс білдіремін. Сонымен қатар, кез-келген жағдайда ұстаздар қауымына қолдау көрсетіп отырған Білім министрі А.Аймағамбетов мырзаға өз атымнан зор алғыс айтамын.
Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші орган құру туралы
Шығыс Қазақстан облысының білім беру ұйымдары педагогтерінің «Педагог мәртебесі туралы» Қазақстан Республикасы Заңының нормаларын және педагогтік әдеп ережелерін сақтауын қамтамасыз ету мақсатында БҰЙЫРАМЫН:
1. Шығыс Қазақстан облысының білім саласында сапаны қамтамасыз ету департаментінің базасында Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші орган құрылсын.
2. Осы бұйрықпен қоса:
1) осы бұйрықтың 1-қосымшасына сәйкес Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының құрамы;
2) осы бұйрықтың 2-қосымшасына сәйкес Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының жұмыс ережесі (бұдан әрі – Ереже);
3) осы бұйрықтың 3-қосымшасына сәйкес Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының жұмыс жоспары бекітілсін.
4) осы бұйрықтың 4-қосымшасына сәйкес Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының отырысының кестесі бекітілсін.
3. Педагогтердің құқықтарын қорғау және педагогтік әдеп мәселелері жөніндегі Консультативтік-кеңесші органы өз қызметін Ережеге сәйкес әзірленген білім беру саласындағы уәкілетті органның педагогтік әдеп және педагогтің құқықтарын қорғау мәселелері жөніндегі педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының қызметі туралы Әдістемелік ұсынымдар негізінде жүзеге асырады.
4. Осы бұйрықтың орындалуын бақылауды өзіме қалдырамын.
5. Осы бұйрық қол қойылған күнінен бастап күшіне енеді.
Басшы З. Махсутова
Шығыс Қазақстан облысының білім беру ұйымдары педагогтерінің
Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші орган құрылды
Шығыс Қазақстан облысының білім беру ұйымдары педагогтерінің «Педагог мәртебесі туралы» Қазақстан Республикасы Заңының нормаларын және педагогтік әдеп ережелерін қамтамасыз ету мақсатында Шығыс Қазақстан облысының білім саласында сапаны қамтамасыз ету департаментінің базасында 2021жылғы 14 қаңтардағы №3 бұйрық негізінде Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші орган (бұдан әрі ККО) құрылды.
ККО құрамына Шығыс Қазақстан облысының білім саласында сапаны қамтамасыз ету департаментінің басшысы және орынбасары, қалалық мәслихат депутаты, С.Аманжолов атындағы Шығыс Қазақстан мемлекеттік университетінің ректоры, Қазақстан Республикасы Мемлекеттік істері агенттігінің Шығыс Қазақстан облысы бойынша департаменті директорының орынбасары, Шығыс Қазақстан облысының Білім басқармасы басшысының орынбасары, «Шығыс Қазақстан облысының білім және ғылым қызметкерлерінің локалды кәсіподағы» қоғамдық бірлестігінің бас маманы, ШҚО қоғамдық кеңесінің мүшесі, «NUR OTAN» партиясы Шығыс Қазақстан облыстық филиалының «Білім» бағыты бойынша партиялық қамқорлық комиссиясының мүшесі, Шығыс Қазақстан облысының кәсіпкерлер палатасының Адами капиталды дамыту бөлімінің басшысы, «Қазақстан» облыстық телерадиокомпаниясы» АҚ-ның ШҚОФ қазақ редакциясының шеф-редакторы, «Шығыс Қазақстан облысының азаматтық альянсы» заңды тұлғалардың бірлестігінің атқарушы директоры енді.
ККО-ның негізгі міндеттері «Педагог мәртебесі туралы» Қазақстан Республикасы Заңы нормаларының және педагогикалық әдеп қағидаларының сақталуын қамтамасыз ету, педагогикалық әдеп нормаларының бұзылуының алдын алу профилактикасына бағытталған ұсынымдар әзірлеу, қоғамдағы педагог мәртебесін арттыруға және нығайтуға бағытталған қызметті жүзеге асыру болып табылады. Шығыс Қазақстан облысының білім беру ұйымдары педагогтерінің құқықтарын қорғау және педагогтік әдеп мәселелері жөніндегі ККО кеңесінің үш отырысы өткізілді. Кеңес отырыстарында ККО құрамы, Ережесі және Жұмыс жоспары қабылданып және «МҰҒАЛІМ МӘРТЕБЕСІ» Қоғамдық бірлестігінің Тарбағатай, Күршім және Глубокий аудандарының білім беру ұйымдарында педагогикалық әдеп жөніндегі Кеңес құрамына ұсынылған үміткерлерді енгізу жөніндегі ұсыныстары қарастырылды.
Құрметті шығыс қазақстандықтар! Қадірлі ұстаздар мен білім саласының ардагерлері!
Тарихы тереңде жатқан Ұлы даланың егеменді ел болып, көк Туын желбіреткен, Әнұранын шалықтатқан, еркіндіктің бастауы – Тәуелсіздік мерекесімен сіздерді шын жүректен құттықтаймын.
Осы салтанатты күні сіздерге бақ-дәулет, мықты денсаулық, отбастарыңызға амандық тілеймін.
Сүйікті Отанымыздың тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын!
Қадамы батыл, қарышты дамыған Мәңгілік еліміздің тәуелсіздігі тұғырлы болғай!
Құрметпен, Департаментінің басшысы З. Мақсұтова
Гаага Конвенциясының мәселелері бойынша Халықаралық семинар
2020 жылғы 9 желтоқсанда Шығыс Қазақстан облысының білім саласында сапаны қамтамасыз ету департаменті басшысының орынбасары Жұмабек Зиябекұлы Қамбетов ҚР БҒМ Балалардың құқықтарын қорғау комитеті бейнеконференция форматында өткізген «1980 жылғы 25 қазандағы Балаларды халықаралық ұрлаудың азаматтық-құқықтық аспектілері туралы конвенция шеңберінде заңсыз көшірілген балаларды қайтару жөніндегі шараларды іске асыру» атты Халықаралық семинарына қатысты. Іс – шара өтіп бара жатқан жылдың айтулы күні-1980 жылғы 25 қазандағы Балаларды халықаралық ұрлаудың азаматтық-құқықтық аспектілері туралы Гаага Конвенциясының қабылданғанына 40 жыл толуына орайластырылған.
Адам құқықтарының жалпыға бірдей декларациясымен балалардың ерекше қамқорлық пен көмек алуға құқығы анықталған. «Бала құқықтары туралы» Қазақстан Республикасының Заңына сәйкес біздің елімізде орындалу мақсаттарына, нысандары мен әдістеріне қарамастан балаларды заңсыз алып өтудің, ұрлаудың, олармен сауда жасауды алдын алу және жол бермеу, сондай-ақ оларды тұрақты еліне қайтару бойынша шаралар қабылдануда Қазақстан отбасылық қатынастарды реттейтін бірқатар халықаралық келісімдердің, атап айтқанда, 1980 жылғы 25 қазандағы Балаларды халықаралық ұрлаудың азаматтық-құқықтық аспектілері туралы Гаага конвенциясының қатысушысы болып табылады. Конвенцияның мақсаты-, балаларға халықаралық ауқымда оларды заңсыз алып өтудің немесе күштеп ұстап алудың зиянды салдарынан қорғауды және олар тұрақты тұратын мемлекетке олардың дереу қайтарылуын қамтамасыз ету, сондай-ақ сөйлесу құқығын қорғауды қамтамасыз ету Баланы қайтару және оған қатысты қол жеткізу құқықтарын жүзеге асыру процесі уәкілетті орган – ҚР БҒМ Балалардың құқықтарын қорғау комитеті және сот арқылы іске асырылады.
Педагог қызметкерлерді тестілеу
Облыста "Ustudy"ЖШС өңірлік орталықтарының базасында Ұлттық тестілеу орталығының бағдарламалық қамтамасыз етуін электрондық форматта пайдалана отырып, ұлттық біліктілік тестілеуі (бұдан әрі – ҰБТ) өтуде. Тестілеу мектепке дейін, жалпы орта білім беру, кәсіптік-техникалық және қосымша білім беру ұйымдарының педагогтері үшін жүргізіледі.
ҰБТ ү.ж. 21-ші желтоқсанға дейін 2,5 мыңнан астам педагогтер үшін жүргізілетін болады.
ҰБТ санитарлық нормалардың талаптарына сәйкес және қашықтықтан және де бетперде режимін сақтай отырып жүргізіледі.
Тестілеу нәтижелерімен келіспеген жағдайда педагогтер апелляцияға бере алады.
Бұзушылықтармен анықталған педагогтер (ұялы телефондарды, шпаргалкаларды және басқа да тыйым салынған заттарды алып өту) аудиториядан шығарылады, нәтижелерді уәкілетті орган жояды.
ҰБТ өткізу кезінде облыстың білім беру саласындағы сапаны қамтамасыз ету департаменті бақылаушы ретінде қатысады.
Ақпараттық қауіпсіздік
2020 жылғы 03 желтоқсанда Шығыс Қазақстан облысының Білім саласындағы сапаны қамтамасыз ету департаменті Қазақстан Республикасы Білім министрлігінің Ақпараттық қауіпсіздік басқармасының басшысы Р.Қайсабаевтың қатысуымен бейнебайланысконференция арқылы ақпараттық қауіпсіздік мәселелері бойынша оқыту семинарына қатысты. Ақпараттық жүйенің қауіпсіздігін қамтамасыз ету үшін лицензияланған бағдарламалық өнімдер қажет, дербес компьютерлерде электрондық-цифрлық қолтаңбаларды сақтамаған жөн, вирусқа қарсы бағдарламаларды тұрақты негізде жаңартып отыру қажет және т. б.
Баяндамашыға ақпараттық қауіпсіздікке қатысты, оның ішінде шетелдік электрондық поштаны пайдалану (mail.ru, gmail.com және т.б.) туралы сұрақтар қойылды.
Семинар барысында білім беру саласындағы сапаны қамтамасыз ету жөніндегі аумақтық департаменттерге ақпараттық қауіпсіздік бойынша ұсыныстар берілді.